சதுர்த்தி விரதம் ஏன் முக்கியம்?

“ஓம் கணேசாய நமஹ” என்ற மந்திரம் மிகவும் சக்தி வாய்ந்தது. இந்த மந்திரத்தை தினமும் ஜபித்து வந்தால் நம் வாழ்வில் நல்ல மாற்றங்கள் நிகழும். குறிப்பாக, சங்கடஹர சதுர்த்தி நாளில் இந்த மந்திரத்தை உச்சரித்து விநாயகரை வழிபட்டால், அனைத்து துன்பங்களிலிருந்தும் விடுபட்டு, நன்மைகள் பெருகும்.

ஏன் சதுர்த்தி விரதம் முக்கியம்?

•  விநாயகர் அனைத்துத் தொடக்கங்களின் தெய்வம். அவரை வழிபடுவதால், நம் வாழ்வில் நல்ல தொடக்கம் கிடைக்கும்.
• சங்கடங்கள் நீங்கி, வாழ்க்கையில் செழிப்பு ஏற்பட வேண்டும் என்பதற்காக இந்த விரதம் இருக்கப்படுகிறது.
• குழந்தைகள் இந்த விரதத்தை கடைபிடிப்பதால், நல்ல ஞானம் கிடைத்து, கல்வியில் சிறந்து விளங்குவார்கள்.
• சில சதுர்த்திகள் குரு பகவானுக்குரிய நாளில் வருவதால், அன்றைய தினம் விரதம் இருப்பதால் குருவின் அருளையும் பெறலாம்.

இதையும் படிக்கலாமே:

தொழிலில் வெற்றியடைய எலுமிச்சை பரிகாரம் https://astrologytamil.in/is-lemon-a-remedy-for-success-in-business/

சதுர்த்தி விரதத்தை எப்படி கடைபிடிப்பது?

விநாயகர் கோயிலுக்கு சென்று, விநாயகருக்கு அபிஷேகம் செய்து, பூஜை செய்தல். வீட்டில் விநாயகர் படத்தை வைத்து, பூஜை செய்து, மந்திரங்களை ஜெபித்தல்.  முடிந்தவரை உபவாசம் இருப்பது நல்லது. முடியாவிட்டால், பழங்கள், பால் போன்றவற்றை உண்ணலாம்.  பசு மாட்டுக்கு பச்சரிசி, வெல்லம், வாழைப்பழம் கலந்த உணவை கொடுப்பது. விநாயகருக்கு பிடித்த கொழுக்கட்டை, இனிப்பு, பழங்கள் போன்றவற்றை நைவேத்தியமாக படைத்தல்.

சதுர்த்தி விரதத்தின் பலன்கள்:

• தொழில், வியாபாரம் செழிக்கும்.
•  குடும்பத்தில் அமைதி நிலவும்.
•  உடல் நலம் சிறக்கும்.
• மனதில் அமைதி நிலவும்.