மணமகளாகும் நாள் நெருங்கும் – கல்வாழையின் அற்புத சக்தி

திருச்சி மாவட்டம், மணச்சநல்லூர் வட்டத்தில் உள்ள திருப்பைஞ்ஞீலி கோவில், திருமணத் தடைகளை நீக்கும் சக்தி வாய்ந்த பரிகார ஸ்தலமாகப் பிரபலமாக அறியப்படுகிறது. காவேரி வடகரை பாடல் பெற்ற 61வது திருத்தலமான இக்கோவில், கி.பி ஆறாம் நூற்றாண்டைச் சேர்ந்தது. ராஜேந்திர சோழன், ராஜராஜ சோழன் உள்ளிட்ட பல மன்னர்கள் இக்கோவிலுக்குத் திருப்பணிகள் செய்துள்ளனர்.

திருமணத் தடைகளை நீக்கும் கல்வாழை பரிகாரம் இக்கோவிலின் முக்கிய அம்சமாகும். திருமண வரம் வேண்டி தவம் செய்த சப்த கன்னிமார்களுக்கு பார்வதி தேவி வரம் அருளி, வாழை மர வடிவில் குடிகொண்டதாக வரலாறு கூறுகிறது. இங்குள்ள தலவிருட்சம் வாழை மரம். திருமணம் ஆகாதவர்கள் கல்வாழையில் மாங்கல்யத்தைக் கட்டிப் பரிகாரம் செய்வதன் மூலம் திருமணம் கைகூடும் என்பது ஐதீகம். புத்திர தோஷம், செவ்வாய் தோஷம் போன்ற பிற தோஷங்களுக்கும் இங்கு பரிகாரங்கள் செய்யப்படுகின்றன. வாரத்தின் அனைத்து நாட்களிலும் பரிகார பூஜைகள் நடைபெறுகின்றன. வெள்ளி மற்றும் ஞாயிற்றுக்கிழமைகளில் கூட்டம் அதிகமாக இருக்கும்.

இதையும் படிக்கலாமே:
சிவன் கோவில்களில் நந்திக்கு படைக்கும் காப்பரிசி பற்றி தெரியுமா? 
https://astrologytamil.in/do-you-know-about-the-kaparisi-offered-to-nandi-in-shiva-temples/

தமிழகத்தின் குடைவரைக் கோவில்களில் ஒன்றான இக்கோவிலில் சித்திரை திருவிழா சிறப்பாக நடைபெறும். சித்ரா பௌர்ணமி அன்று தேரோட்டமும் நடைபெறும். மூலவரை தரிசிக்க படிக்கட்டுகளில் இறங்கிச் செல்ல வேண்டும்.