பாவத்தை நீக்கும் ஆடி அமாவாசை

நாளைய தினம் ஆடி அமாவாசை. மற்ற அமாவாசை தினங்களில் முன்னோர்களுக்கு திதி தர்ப்பணம் கொடுக்க தவறியவர்கள் கூட, இந்த அமாவாசை திதி அன்று, முன்னோர்களை நினைத்து திதி தர்ப்பணம் கொடுக்க வேண்டும். தவறவிட்ட முன்னோர்கள் வழிபாட்டிற்கான பலனையும் முழுமையாக நமக்குப் பெற்றுத் தரக்கூடிய அமாவாசை இந்த ஆடி அமாவாசை. இந்த நாளில் செய்யப்படும் வழிபாடுகள் பாவங்களை நீக்கி, மோட்சத்தை அடைய உதவும் என்பது ஐதீகம்.
ஆடி அமாவாசை நாளில் தானம் செய்வது, கோவில்களுக்கு சென்று வழிபடுவது போன்ற தர்ம காரியங்கள் செய்வது மிகவும் புனிதமானதாக கருதப்படுகிறது.

இதையும் படிக்கலாமே:

இந்த ஆடிப்பெருக்கில் தாலி கயிறு மாற்றகூடாதா ஏன்?

ஆடி அமாவாசை வழிபாடு செய்யும் முறை:
வழிபாடு செய்யும் இடத்தை சுத்தமாக வைத்துக்கொள்ள வேண்டும்.
முன்னோர்களின் படங்களை ஒரு பூஜை தட்டில் வைத்து, பூக்கள், விளக்குகள் ஏற்றி வைக்க வேண்டும். தர்ப்பணம் கொடுக்கும் பொழுது, எள், தண்ணீர் ஆகியவற்றை பயன்படுத்தி, முன்னோர்களின் பெயர்களை சொல்லி தர்ப்பணம் கொடுக்க வேண்டும். பூஜை முடித்த பின்னர், பிரசாதம் வழங்கி, அனைவரும் சேர்ந்து உண்ணலாம்.

திதி தர்ப்பணம் கொடுக்க வேண்டிய நேரம்:

நாளை 4-8-2024 ஞாயிற்றுக்கிழமை காலை 11:45 க்கு முன்பாகவே திதி தர்ப்பன காரியங்களை நிறைவு செய்து கொள்ளவும். பிறகு மதியம் 1:30 மணிக்கு மேல் வீட்டில் இறந்தவர்களுக்கு படையல் போட்டு, வழிபாட்டை முடித்துவிட்டு, காகத்திற்கு சாதம் வைத்துவிட்டு வீட்டில் இருப்பவர்கள் உணவு சாப்பிட வேண்டும். நாளைய தினம் முன்னோர்களுக்காக சமைத்த உணவு பண்டங்களை வெளி ஆட்களுக்கு கொடுக்கக் கூடாது.